اقبال خان کی این اے 27خیبر سے کامیابی کا نوٹیفکیشن جاری کر دیا گیا ہے
محمد اقبال خان کی قومی اسمبلی کے حلقہ این اے 27ضلع خیبر سے کامیابی کا نوٹیفکیشن جاری کردیا گیا ہے۔
مسلم لیگ ن کے امیدوار شاہ جی گل آفریدی کی درخواست پر محمد اقبال خان کی کامیابی کا نوٹیفیکیشن روکا گیا تھا۔سپریم کورٹ اور الیکشن کمیشن میں شاجی گل آفریدی نے الیکشن میں دھاندلی کا الزام عائد کرکے درخواستیں دائر کردی تھیں۔درخواست کو سپریم کورٹ نےخارج کرکے کامیابی کے نوٹیفیکیشن الیکشن کمیشن کو جاری کرنے کا حکم صادر کردیا ہے۔
