ضلع نوشہرہ کے تھانہ اکوڑہ خٹک میں پولیس نے مسلح افغان راہزن اور سنیچر گروہ کے خلاف کامیاب کاروائی کی ہے۔
کاروائی کرتے ہوئے اکوڑہ خٹک پولیس نے متحرک مسلح افغان راہزن کو گرفتار کرلیا ہے۔
اس دوران پولیس نے ملزمان سے اسلحہ کی نوک پر چھینی گئی نقدی، موبائل فونز اور واردارت کے دروان استعمال ہونے والا اسلحہ برآمد کر لیا۔پولیس ذرائع کے مطابق گرفتار کئے جانے والے مسلح افغان راہزن و سنیچرز سے مزید تفتیش کی جارہی ہے۔اس تفتیش میں نہایت ہی سنسنی خیز انکشافات متوقع کئے جارہے ہیں۔
ذرائع کے مطابق چھاپہ مار ٹیم نے تفتیش کا جدید طریقہ اپناتے ہوئے گروہ کے ماسٹر مائنڈ افغانی عبدالباری تک رسائی حاصل کی اور اس کو گرفتار کرلیا ہے۔ذرائع کے مطابق کارروائی کے دوران ملزم کے ساتھی کو بھی پکڑ لیا گیا ہے،جبکہ اس دوران نقدی سمیت واردات میں استعمال کئے جانے والا اسلحہ بھی برآمد کر لیا گیا ہے۔
