متحدہ عرب امارات میں جاری آئی سی سی ویمنز ٹی 20 ورلڈ کپ میں پاکستان ٹیم نے سری لنکن ویمنز ٹیم کو 31 رنز سے شکست دے کر ایونٹ میں اپنی پہلی کامیابی سمیٹ لی ۔
شارجہ میں کھیلے گئے ایونٹ کے دوسرے میچ میں پاکستان ویمنز نے سری لنکا کے خلاف ٹاس جیت کر بیٹنگ کرنے کا فیصلہ کیا۔ پاکستانی ٹیم نے سری لنکا جیت کیلئے 117 رنز کا ہدف دیا ۔
گرین شرٹس نے بیٹنگ کرتے ہوئے مقررہ 20 اوورز میں 116 رنز بنائے اور پوری ٹیم آوٹ ہوگئی، پاکستان کی جانب سے کپتان فاطمہ ثنا نے 30 اور ندا ڈار نے 23 رنز کی اننگز کھیلی۔
117 رنز کے ہدف کے تعاقب میں سری لنکن ویمنز ٹیم پاکستانی بولرز کے سامنے بے بس دکھائی دی اور مقررہ 20 اوورزمیں 9 وکٹ پر 85 رنز ہی بنا سکی۔
پاکستان کی جانب سے سعدیہ اقبال نے 3 ،فاطمہ ثنا ،عمیمہ اقبال او طوبیٰ حسن نے دو، دو وکٹیں حاصل کیں ۔
شاندار 30 رنز اور 2 وکٹیں حاصل کرنے پر کپتان فاطمہ میچ کی بہترین کھلاڑی قرار دی گئیں ۔
اس سے قبل ایونٹ کے پہلے میچ میں بنگلہ دیش نے سکاٹ لینڈ کے خلاف 16 رنز سے کامیابی حاصل کی ۔
