پشاور (شو بز ڈیسک) خیبر نیوز پشاور سنٹر سے ہفتہ وار نشر ہونے والا روڈ شو پیخاور خو پیخاور دے کنہ نہ صرف پشاور کے مکینوں میں بے حد مقبول ہے بلکہ پاکستان کے مختلف شہروں کے ساتھ ساتھ بیرونِ ملک مقیم پشاوری بھی اسے اپنے اہلِ خانہ کے ہمراہ باقاعدگی سے دیکھتے ہیں۔
اس پروگرام کے میزبان اور پروڈیوسر ملک محمد حسنین ہیں۔ ہر قسط میں عام اور خاص افراد سے ایک یا دو دلچسپ اور معلوماتی سوالات کیے جاتے ہیں، جن کے ذریعے پشاور کی تاریخ، ثقافت، قدیم روایات اور صدیوں سے یہاں آباد مختلف خاندانوں کے رسم و رواج کو اجاگر کیا جاتا ہے۔
پروگرام میں پشاور کی مادری زبانوں اور سماجی اقدار پر بھی روشنی ڈالی جاتی ہے، جس سے ناظرین کو اس تاریخی شہر کے تہذیبی ورثے سے بھرپور آگاہی حاصل ہوتی ہے۔
