پاکستان سپیس اینڈ اپر ایٹموفیئر ریسرچ کمیشن (سپارکو) نے ملک میں رمضان المبارک 2 مارچ سے شروع ہونے کی پیش گوئی کر دی ۔
سپارکو کے ترجمان کے بیان کے مطابق ملک میں نیا چاند 28 فروری 2025 معیاری وقت کے مطابق پانچ بج کر 45 منٹ پر ہو گا، غروب آفتاب کے وقت چاند کی عمر 12 گھنٹے اور بلندی 5 ڈگری ہوگی ۔
ترجمان کا مزید کہنا ہے کہ 28 فروری کو چاند کی کم بلندی اور فاصلے کی وجہ سے ہلال کا نظر آنا مشکل ہے، 28 فروری کو چاند اور سورج کا زاویائی فاصلہ 7 ڈگری، ہلال انسانی آنکھ سے نظر نہیں آئے گا ۔
سپارکو کے ترجمان نے کہا پیشنگوئی کی کہ پاکستان میں رمضان المبارک 2 مارچ 2025 سے جبکہ سعودی عرب میں 28 فروری کو ہلال نظر آسکتا ہے، سعودی عرب میں رمضان یکم مارچ سے شروع ہونے کا امکان ہے ۔
انہوں نے یہ بھ بتایا کہ ملک میں شوال کا چاند 30 مارچ کو متوقع ہے، عید الفطر 31 مارچ کو ہوسکتی ہے، رمضان کے چاند کی رویت کا حتمی فیصلہ رویت ہلال کمیٹی کے پاس ہے ۔
