پی ایس ایل 9کے سنسنی خیز مقابلے جاری۔آج کراچی کنگز اور اسلام آباد یونائیٹڈ مدمقابل ہوگئے۔دونوں ٹیمیں جیت کیلئے پر عزم ہیں
پی سی بی کے زیر اہتمام پی ایس ایل کے نویں ایڈیشن کے انتہائی دلچسپ اور کانٹے دار مقابلوں کا سلسلہ جاری ہے ۔پندرواں میچ آج شام سات بجے نیشنل سٹیڈیم کراچی میں کھیلا جائے گا ۔اسلام آباد یونائیٹڈ جہاں جیت کیلئے پرعزم ہیں وہیں کراچی کنگز بھی میدان مارنے کو تیار ہیں۔ اسلام آباد یونائیٹڈ نے ایونٹ میں اب تک چار میچز کھیلے ہیں اور صرف ایک میں کامیابی حاصل کی جبکہ اسے تین میں شکست ہوئی ہے۔
ادھر پشاور زلمی نے ایونٹ میں پانچ میچز کھیل کر 3 میں کامیابی سمیٹی اور 2میچز میں اسے ناکامی کا سامنا کرنا پڑا ہے۔یاد رہے کہ گزشتہ روز پاکستان سپر لیگ کے 14ویں میچ میں ملتان سلطانز نے دفاعی چیمپئن لاہور قلندرز کو 60رنز کے بھاری مارجن سے شکست دے کر ایونٹ میں پانچویں کامیابی حاصل کرلی۔ملتان سلطانز کے 215رنز کے ہدف کے تعاقب میں لاہور قلندرز کی ٹیم 17 اوور میں 154رنز ہی بناسکی تھی۔
