لندن: سابق وزیراعظم اور مسلم لیگ ن کے صدر میاں نوازشریف اپنی صاحبزادی اور وزیر اعلیٰ پنجاب مریم نواز کے ہمراہ وطن واپسی کے لیے روانہ ہوئے جہاں انہوں نے میڈیا سے مختصر گفتگو بھی کی ہے ۔
نواز شریف نے کہا کہ جھوٹا پروپیگنڈا کرنے والوں کو جھوٹا ہی کہیں گے، 24 نومبر کو احتجاج کی کال ملک کو کمزور کرنے کرنے کی کوشش ہے۔
صدر مسلم لیگ ن کا کہنا تھا احتجاج کی کال دینے والے ماضی کی طرح اپنی سازشنوں کامیاب نہیں ہوں گے۔
نواز شریف اور مریم نواز چند روز سے لندن میں مقیم تھے، اس دوران دونوں رہنماوں نے چند روز سوئٹزرلینڈ میں بھی گزارے تھے۔
واضح رہے کہ بانی پاکستان تحریک انصاف نے 24 نومبر کو اسلام آباد کی جانب مارچ کی کال دیتے ہوئے کہا ہے کہ مطالبات کی منظوری تک واپس نہیں لوٹیں گے۔
