بلوچستان کے علاقے قلات میں شاہ مردان چیک پوسٹ پر نامعلوم مسلح افراد نے حملہ کیا ہے، اس دوران سیکیورٹی اہلکاروں او دہشتگردوں کے درمیان شدید فائرنگ کا تبادلہ بھی ہوا ۔
ذرائع نے بتایا ہے کہ نامعلوم مسلح افراد نے ضلع قلات کے علاقے جوہان میں شاہ مردان چیک پوسٹ پر حملہ کیا جس کے نتیجے میں 7 سیکیورٹی اہلکار شہید اور 15زخمی ہوئے۔
ذرائع کے مطابق جھڑپ میں 7 سیکیورٹی اہلکار شہید اور 15 زخمی ہوگئے۔زخمی اہلکاروں کو ہسپتال منتقل کردیا گیا ۔
یاد رہے کہ 9 نومبر کو بلوچستان کے دارالحکومت کوئٹہ کے ریلوے اسٹیشن میں خودکش دھماکے کے نتیجے میں خاتون سمیت 26 افراد جاں بحق اور 62 سے زائد زخمی ہوئے تھے۔
