دہشت گردی کے خدشات کےپیش نظر سی ٹی ڈی نے پنجاب کے مختلف شہروں میں انٹیلیجنس بیسڈ آپریشنز کئے۔ان آپریشنز میں پندرہ دہشتگردوں کو گرفتار کیا گیا ہے۔
سی ٹی ڈی کی طرف سے پنجاب بھر کےمختلف شہروں میں انٹیلیجنس بیسڈ آپریشن کیے گئے ہیں، یہ کارروائیاں لاہور،راولپنڈی،سرگودھا،گوجرانوالہ،ملتان،ٹوبہ ٹیک سنگھ، مظفرگڑھ، اٹک، میانوالی اور فیصل آبادمیں کی گئی ہیں۔سی ٹی ڈی حکام کے مطابق میانوالی سے جنوبی وزیرستان سےتربیت یافتہ ٹی ٹی پی کے خطرناک دہشت گردوں کو گرفتار کیا گیا ہے۔ان دہشت گردوں سے بھاری مقدار میں دھماکا خیزمواد،خودکش جیکٹ،موبائل فون اورنقدی برآمد کی گئی ہے، یہ دہشت گرد حساس مقامات پر حملہ کرنے کی منصوبہ بندی کر رہے تھے۔
