دل کا دورہ پڑنے سے معروف تامل اداکار ڈینیئل بالاجی دنیا سے چل بسے ہیں
بھارت کی تامل انڈسٹری سے تعلق رکھنے والے مشہور اداکار ڈینیئل بالاجی دل کا دورہ پڑنے سے 48 سال کی عمر میں انتقال کرگئے ہین۔بھارتی خبررساں اداروں کے مطابق گزشتہ روز ڈینیئل بالاجی کو سینے میں درد کی شکایت پر چنئی کے نجی اسپتال میں داخل کیا گیا تھا۔آج صبح جس کے بعد اداکار اسپتال میں ہی دم توڑ گئے۔
آخری رسومات کے لیے اداکار کی لاش کو پورسائی واکم میں واقع ان کی رہائش گاہ لے جایا جاچکا ہے۔ڈینیئل کی اچانک موت نے تامل فلم انڈسٹری سمیت ان کے تمام مداحوں کو بھی صدمے سے دوچار کردیا ہے، انتقال کی خبر سامنے آنے کے بعد سے ہی مداحوں اور شوبز انڈسٹری کی طرف سے افسوس اور گہرے صدمے کا اظہار کیا جارہا ہے۔
ڈینیئل بالاجی فلموں میں ولن کا کردار ادا کرنے کے لیے جانے جاتے تھے، ڈینیئل نے رادیکا سرتھ کمار کی ‘چٹھی’ میں یادگار کردارکے ذریعے ٹیلی ویژن کی دنیا میں انٹری دی، انہوں نے اس ٹیلی ویژن سیریل میں ڈینیئل کا کردار ادا کیا تھا۔ان کا نام ہی جس سے ڈینیئل بالاجی پڑگیا۔ڈینیئل بالاجی نے تامل فلموں کے علاوہ متعدد ملیالم، تیلگو اور کناڈا فلموں میں اداکاری کے جوہر دکھائے ہیں۔
