ضلع خیبر کی وادی تیراہ میں سیکیورٹی فورسز نے مختلف کارروائیوں میں فتنہ الخوارج کے 25 دہشتگرد ہلاک کر دئیے۔
پاک فوج کے شعبہ تعلقات عامہ (آئی ایس پی آر) کے مطابق وادی تیراہ میں 20 اگست سے جاری آپریشن میں ابتک 25 دہشت گردوں کو ہلاک کردیا گیا ہے جبکہ خوارج زخمی بھی ہوئے۔ آپریشن کے دوران پاک فوج کے 4 سپاہی بھی شہید ہوگئے۔
ترجمان پاک فوج کے مطابق سیکیورٹی فورسز علاقے میں فتنہ الخوارج اور نام نہاد لشکر اسلام اور جماعت الاحرار کے خلاف انٹیلی جنس پر مبنی آپریشنزکررہی ہے۔ اس عرصے کے دوران خارجی سرغنہ ابوذر صدام کو بھی ہلاک کردیا گیا۔
