شہباز شریف نے وزرارت عظمی کا حلف لے لیا۔صدر مملکت ڈاکٹر عارف علوی نے ان سے حلف لیا
ایوان صدر میں وزیرِ اعظم شہباز شریف کی تقریبِ حلف برداری ہوئی ۔ تقریب کا آغاز تلاوت کلام پاک سے ہوا۔تقریب میں غیر ملکی سفارتکار، سینئر سرکاری حکام اور سیاسی جماعتوں کے رہنما شریک ہوئے۔تقریب میں جوائنٹ چیفس آف اسٹاف کمیٹی جنرل ساحر شمشاد مرزا، آرمی چیف جنرل عاصم منیر اور نگران وزیر اعظم انوار الحق کاکڑ بھی شریک تھے۔اس کے علاوہ آصف زرداری، نوازشریف، بلاول بھٹوزرداری، وزیراعلی مریم نواز، مراد علی شاہ اور سرفراز بگٹی بھی شریک تھے۔ وزیراعظم شہبازشریف کی حلف برداری کے بعد وزیراعظم ہاؤس میں مسلح افواج کی جانب سے انہیں گارڈ آف آنر پیش کیاگیا۔
