Latest Urdu news from Pakistan - Peshawar, Lahore, Islamabad

ٹی 20 ورلڈ کپ:پاک بھارت میچ سے پہلے ہی روہت شرما کا اہم بیان سامنے آگیا

بھارتی کرکٹ ٹیم کے کپتان روہت شرما نے ٹی 20 ورلڈ کپ کے اہم میچ پاک بھارت ٹاکرے سے پہلے ہی بڑا بیان دے دیا ہے۔

گزشتہ روز آئی سی سی ٹی 20 ورلڈکپ کے آٹھویں میچ میں بھارتی ٹیم نے آئرلینڈ کو 8 وکٹوں سے شکست دے دی، نیویارک کے میدان میں کھیلے گئے اس میچ میں بھارت نے آئرلینڈ کی طرف سے دیا جانے والا 97 رنز کا ہدف بہت ہی آسانی سے 12.2 اوور میں حاصل کرلیا تھا۔جبکہ آئرلینڈ کے خلاف کپتان روہت شرما نے شاندار 52 رنز کی میچ وننگ اننگز کھیلی، ان کی اننگ میں 3 چھکے اور اس کے ساتھ ہی دو چوکے شامل تھے۔

اس میچ کے بعد گفتگو کرتے ہوئے کپتان روہت شرما نے کہا کہ پاکستان کے خلاف میچ میں پچ کیا ہوگی اس کا بالکل بھی اندازہ نہیں ہے، جبکہ نیویارک میں پچ دوسری بیٹنگ میں بھی مشکل ہے لیکن اس میچ کیلئے بھارتی ٹیم کو اچھی خاصی تیاری کرنا ہوگی۔کپتان روہت شرما کے مطابق پاکستان کے خلاف میچ میں ہم سب ایک ٹیم کی طرح کھیلنا ہوگا، میچ جیتنے کیلئے ٹیم میں موجود ہر 11 کھلاڑی کو پرفارم کرنا ہوگا۔یاد رہے کہ پاکستان ایونٹ میں اپنا پہلا میچ کل میزبان امریکا کے خلاف کھیلے گا جبکہ اس کے برعکس پاک بھارت ٹاکرا 9 جون کو ہوگا۔

جواب چھوڑیں

آپ کا ای میل ایڈریس شائع نہیں کیا جائے گا.