Latest Urdu news from Pakistan - Peshawar, Lahore, Islamabad

بلوچستان:مسافر بس میں آگ بھڑک اٹھی،3 افراد جاں بحق جبکہ 12 زخمی

بلوچستان میں اوتھل کے قریب قومی شاہراہ پر مسافر بس میں تیز آگ بھڑکنے اٹھی۔ اس آگ کی وجہ سے 3 مسافر جھلس کر جاں بحق جبکہ 12 افراد شدید زخمی ہوگئے ہیں۔

ایس ایس پی لسبیلہ کے مطابق یہ مسافر  بس کراچی سے کوئٹہ کی جانب جارہی تھی جس میں 28 افراد سوار تھے،تیز رفتار بس اوتھل کے قریب موٹر سائیکل سے ٹکرائی جس کی وجہ سے بس میں آگ بھڑک اٹھی اس آگ نے  دیکھتے ہی دیکھتے  پوری بس کو اپنی لپیٹ میں لے لیا۔جس کی وجہ سے 3 مسافر جھلس کر جاں بحق ہوگئے ہیں جبکہ 12 افراد زخمی ہوئے ہیں،

اس واقعے کی  اطلاع ملتے ہی ریسیکیو ٹیمیں موقع پر  پہنچ گئیں اور انہوں نے بس میں لگی آگ پر قابو  پاکر جاں بحق اور زخمیوں کو ڈسٹرکٹ ہیڈ کوارٹر  اسپتال اوتھل میں منتقل کردیا۔جبکہ شدید زخمی افراد  کو کراچی منتقل کردیا گیا ہے۔ریسکیو حکام کے مطابق چند مسافروں نے بس کی کھڑکیوں سے کود کر جان بچائی۔ پولیس کی ابتدائی تفیش کے مطابق بس جس موٹرسائیکل سے ٹکرائی تھی اس میں پیٹرول کا ڈبہ موجود تھا۔وزیر اعلیٰ بلوچستان نے اس حادثے میں جانی نقصان پر افسوس کا اظہار کرتے ہوئے تحقیقات کرکے ذمہ داروں کا تعین کرنے کی ہدایت جاری کردی ہے۔

جواب چھوڑیں

آپ کا ای میل ایڈریس شائع نہیں کیا جائے گا.