اسلام آباد: ایس آئی ایف سی کو بااختیار بنانے کا فیصلہ، غیر ملکی سرمایہ کاری کے فروغ کیلئے اہم پیش رفت
چین سمیت عالمی سرمایہ کاروں کیلئے پاکستان میں سرمایہ کاری کا نظام مزید تیز، موٴثر اور سہل بنانے کیلئے حکومتی اقدامات میں تیزی آگئی۔
وفاقی حکومت نے سرمایہ کاری نظام کو مزید موٴثر بنانے کیلئے بورڈ آف انویسٹمنٹ کو ایس آئی ایف سی میں ضم کرنے کا فیصلہ کیا ہے۔
انضمام کا عمل وزیراعظم شہباز شریف کے 23 مئی کو متوقع دورہ چین سے قبل مکمل کیے جانے کا امکان ہے۔
یہ پیش رفت چین پاکستان اقتصادی راہداری کے دوسرے مرحلے کے تحت سرمایہ کاری تعاون کو مزید موٴثر بنانے کی کوششوں کا حصہ ہے۔
نئے ڈھانچے کے تحت ایس آئی ایف سی غیر ملکی سرمایہ کاری کے فروغ اور سرمایہ کاری پالیسی پر عملدرآمد میں مرکزی کردار ادا کرے گی۔
ایس آئی ایف سی کی قیادت میں سرمایہ کاری کے عمل میں تیزی، ادارہ جاتی ہم آہنگی اور سرمایہ کار اعتماد میں مزید بہتری ہو گی
بورڈ آف انویسٹمنٹ کو ایس آئی ایف سی میں ضم کرنے کا فیصلہ سرمایہ کاری نظام کو مزید موٴثر اور مربوط بنانے کی جانب اہم پیش رفت ہے۔
