تخت بھائی میں پولیو ٹیم پر فائرنگ کر دی گئی ہے جس کے باعث پولیس اہلکار زخمی ہو گئے ہیں
ضلع مردان کی تحصیل تخت بھائی کے علاقہ پیرسدو میں نامعلوم مسلحہ افراد کی جانب سے پولیو ٹیم پر فائرنگ کی گئی ہے۔پولیس اہلکار زوہار ولد قیوم واقعہ میں شدید زخمی ہوگیا ہے۔اعلامیہ کے مطابق ریسکیو 1122 کی میڈیکل ٹیم نے واقعے کی اطلاع ملتے ہی فورا رسپانس دیا اور سرعت کے ساتھ جائَے وقوعہ پہنچ گئی۔اعلامیہ کے مطابق زخمی پولیس اہلکار کو ریسکیو 1122 کی میڈیکل ٹیم نےفوری طور پر ٹی ایچ کیو تخت بھائی منتقل کر دیا۔حالت جہاں پر تشویش ناک ہونے کی وجہ سے ایم ایم سی مردان منتقل کردیا گیا ہے۔واقعے کی اطلاع ملتے ہی ڈی ایس پی صدر سرکل گل ولی خان ، ڈی ایس پی تخت بھائی سرکل عاشق حسین خان بھاری پولیس نفری کے ساتھ جائے وقوعہ پر پہنچ گئے۔
