دہشت گردوں نے بلوچستان کے علاقے نصیر آباد میں فائرنگ کر کے تین افراد شہید کر دئیے۔
پولیس ذرائع کے مطابق نصیرآباد کے پولیس تھانہ منجھوشوری کی حدود احمد شاہ کے قریب تین افراد کو فائرنگ کرکے قتل کردیا گیا اطلاع ملنے پر پولیس جائے وقوعہ پر پہنچ گئی اور لاشوں کو ڈیرہ مراد جمالی کی سیول ہسپتال پہنچا دیا گیا۔ پولیس حکام کے مطابق لاشوں کے قریب سے ایک موٹر سائیکل اور پسٹل بھی برآمد ہوا ہے تاہم تینوں افراد کی شناخت نہ ہوسکی۔
دہشت گردوں نے مستونگ میں ایف سی کیمپ کے قریب دستی بم پھینکا اور فرار ہوگئے، سیکیورٹی ذرائع دستی بم پھٹنے سے کوئی جانی نقصان نہیں ہوا۔ واضح رہے کہ گزشتہ روز سفاک دہشت گردوں نے بلوچستان کے 3 مختلف واقعات میں 39 افراد کو بے دردی سے قتل کر دیا تھا۔
