ٹانک میں ججز کی گاڑیوں پر حملہ،دو پولیس اہلکار شہید ،ججز محفوظ رہے

پولیس ذرائع کے مطابق ٹانک میں ڈیرہ روڈ گاؤں بھگوال کے قریب ججز کی گاڑیوں پر نامعلوم مسلح افراد نے حملہ کیا ہے۔
مقامی ذرائع نے بتایا ہے کہ حملہ آوروں نے ججز کو نشانہ بنایا تاہم وہ محفوظ رہے
نامعلوم مسلح افراد کے حملے میں دو پولیس اہلکار شہید ہوچکے ہیں۔
ٹانک:ججز کی سیکیورٹی پر مامور پولیس اہلکاروں کی جانب سے جوابی کارروائی بھی کی گئی
گاڑیوں میں سوار ججز کا تعلق ٹانک اور جنوبی وزیرستان کی عدالتوں سے ہے۔
ذرائع کا کہنا ہے کہ حملے کے بعد شرپسندوں اور پولیس کے درمیان فائرنگ کا تبالہ بھی ہوا ۔
ذرائع نے یہ بھی بتایا ہے کہ علاقے میں پولیس اور دیگر فورسز کی بھاری نفری پہنچ چکی ہے اور مزید تفتیش جاری ہے۔