مشیر اطلاعات خیبرپختونخوا بیرسٹر ڈاکٹر سیف کے مطابق پی ٹی آئی رہنماؤں کو گرفتار کر کے جعلی سرکار اوچھے ہتھکنڈوں کو اپنا رہی ہے۔
مشیر اطلاعات خیبرپختونخوا بیرسٹر ڈاکٹر سیف نے چیئرمین پی ٹی آئی بیرسٹر گوہر اور رؤف حسن کی غیر قانونی گرفتاری کی شدید مذمت کی ہے اور اس کے ساتھ ہی کہا ہے کہ جعلی حکومت نے فسطائیت کے تمام ریکارڈ کو توڑ دیا ہے۔ بیرسٹر گوہر اور روف حسن کی گرفتاری سے یہ معلوم ہوتا ہے کہ جعلی حکومت آخری سسکیاں لے رہی ہے۔
بیرسٹر سیف نے کہا کہ پولیس نے پی ٹی آئی کی مرکزی سیکرٹریٹ میں غیر قانونی طور کمپیوٹر اور اہم دستاویزات کو قبضے میں لیا ہے،اس کے ساتھ ساتھ فارم 47 جعلی سرکار پی ٹی آئی کی بڑھتی ہوئی مقبولیت کی وجہ سے خوف کا شکار نظر آتی ہے۔
مزید مشیر اطلاعات ڈاکٹر سیف نے کہا کہ اب تو پی ٹی آئی جعلی سرکار کے لئے ایک ڈراؤنا خواب بن گئی ہے، مینڈیٹ چور سرکار کے خاتمے کے دن قریب آگئے ہیں۔ملک بھر میں حقیقی جمہوریت اور قانون کی پاسداری کو یقینی بنانے کے لیے پی ٹی آئی اپنی جانب سےجد وجہد کو جاری دکھے گی۔بیرسٹر ڈاکٹرسیف کے مطابق پی ٹی آئی رہنما اور کارکن مینڈیٹ چورسرکار کی سازشوں سے ڈرنے والے نہیں ہیں۔
