سنچورین ٹیسٹ میں جنوبی افریقہ کی ٹیم پہلی اننگز میں 301 رنز بناکر آؤٹ ہوگئی اور دوسرے روز کھیل کے اختتام پر پاکستان نے دوسری اننگز میں 3 وکٹ پر نقصان پر 88 رنز بنالیے ۔
جنوبی افریقہ کی ٹیم 301 رنزبناکر آؤٹ ہوئی اور پہلی اننگز میں پاکستان کے خلاف 90 رنز کی برتری حاصل کرلی ۔
ایڈن مارکرم 89 رنز، مارکو جانسن 2، کاگیسو ربادا 13 اور ڈین پیٹرسن 12 رنز بناکر آؤٹ ہوئے۔ کوربن بوش 81 رنز کے ساتھ ناٹ آؤٹ رہے ۔
پاکستان کی جانب سے نسیم شاہ اور خرم شہزاد نے 3،3 ، عامر جمال نے 2 اور محمد عباس اور صائم ایوب نے ایک، ایک وکٹ حاصل کی ۔
میچ کے دوسرے روز کھیل کے اختتام پر پاکستان نے دوسری اننگز میں 3 وکٹ پر نقصان پر 88 رنز بنالیے اور جنوبی افریقہ کی پہلی اننگز کا سکور پورا کرنے کیلئے قومی ٹیم کو مزید 2 رنز کی ضرورت ہے ۔
پاکستان کی جانب سے دوسری اننگز میں صائم ایوب اور کپتان شان مسعود 28،28 جبکہ کامران غلام 4 رنز بناکر آوٹ ہوئے، بابراعظم 16 اور سعود شکیل 8 رنز کے ساتھ وکٹ پر موجود ہیں ۔
پاکستان نے پہلی اننگز میں 211 رنز بنائے تھے ،میچ میں ابھی 3 روز کا کھیل باقی ہے ، اور قومی ٹیم کو میزبان ٹیم کے خلاف مشکلات کا سامنا ہے ۔
