محسن نقوی نے کھلاڑیوں کو ہدایت کرتے ہوئے کہا گروپ بندی نہیں ہونی چاہیے، سب کو ایک ٹیم ہوکر کھیلنا ہوگا
ذرائع کے مطابق چیئرمین پی سی بی محسن نقوی نے کاکول میں جاری فٹنس کیمپ اور آنے والی سیریز پرکھلاڑیوں سے گفتگو کی۔ محسن نقوی نے تمام کھلاڑیوں کو کھیل پر فوکس رکھنے کی ہدایت کی۔انہوں نے کہا کہ ٹیم میں کسی قسم کی گروپ بندی نہیں ہونی چاہیے، سب کو ایک ٹیم ہوکر کھیلنا ہوگا۔ کھلاڑیوں کی اسکلز بڑھانے کے لیے غیر ملکی کوچز کی خدمات حاصل کر رہے ہیں۔ 2غیرملکی کوچز سے معاملاتطے پاگئے ہیں، اگلے دوچارروز میں باقاعدہ اعلان کردیا جائیگا۔
ان کا مزید کہنا تھا کہ قومی ٹیم سے منسلک تمام فیصلے میرٹ پر ہوں گے۔کسی کی ڈکٹیشن نہیں لی جائیگی، آپ سب پاکستان کے کھلاڑی ہیں۔ ہمارا فخر ہیں۔کیمپ میں بھرپور محنت کے ساتھ ٹریننگ کریں، ہر کھلاڑی اپنی انفرادی فٹنس پر کام کرے۔ذرائع کا کہنا ہے کہ محسن نقوی نے کہا کہ بابراعظم کو کپتان مقرر کرنے کافیصلہ سلیکشن کمیٹی کی ایڈوائس پرکیاہے۔ پاکستان کرکٹ بورڈ کا کام کھلاڑیوں کے لیے سہولیات فراہم کرنا ہے۔گرانڈ میں پرفارمنس دینا آپ کا کام ہے،گارنٹی دیتاہوں جو پرفارمنس دیگا ٹیم میں ضرور ککھیلے گا۔ کسی کی بھی سفارش کوقبول نہیں کیا جائیگا۔
