لاہور: سہ ملکی سیریز کے دوسرے میچ میں نیوزی لینڈ نے جنوبی افریقہ کو 6 وکٹ سے شکست دے کر فائنل کے لیے کوالیفائی کرلیا، نیوزی لینڈ نے جنوبی افریقہ کے 305 رنز کا ہدف 4 وکٹوں کے نقصان پر پورا کرکے کامیابی حاصل کی ۔
لاہور میں کھیلے گئے میچ میں نیوزی لینڈ نے جنوبی افریقہ کے خلاف ٹاس جیت کر پہلے فیلڈنگ کا فیصلہ کیا، جنوبی افریقہ نے مقررہ اوورز میں 6 وکٹوں کے نقصان پر 304 رنز سکور کیے ۔
جنوبی افریقہ کی جانب سے میتھیو برٹزکے نے ڈیبیو پر 150 رنز بناکر ون ڈے کرکٹ کا نیا ریکارڈ قائم کردیا، اس کے علاوہ ویان ملڈر 64 اور جیسن اسمتھ نے 41 رنز کی اننگز کھیلی ۔
نیوزی لینڈ نے 305 رنز کا ہدف 4 وکٹوں کے نقصان پر 49 ویں اوور میں پورا کرلیا، کین ولیمسن نے113 گیندوں پر 133 رنز کی ناقابل شکست اننگز کھیلی، ڈیوون کانوے 97 رنز بنا کر آؤٹ ہوئے ۔
اس سے قبل نیوزی لینڈ نے پاکستانی ٹیم کو 78 رنز سے شکست دی تھی، سیریز کا اگلا میچ بدھ کو پاکستان اور جنوبی افریقہ کے درمیان کھیلا جائے گا ۔
