ضلع جنوبی وزیرستان لوئر میں احمدزئی وزیر کے قبائلی عمائدین کی آئی جی ایف سی خیبر پختون خواہ (ساؤتھ) کے ساتھ وانا کے میں ملاقات ہوئی۔ ملاقات میں میجر جنرل مہر عمر خان ، آئی جی ایف سی خیبر پختون خواہ (ساؤتھ) نے قیام امن کے لیے احمدزئی قبائلی مشران کی کاوشوں کو سراہتے ہوئے شہداء کی قربانیوں کو خراج تحسین پیش کیا۔
ملاقات میں شرکاء کو علاقے میں امن و امان ، سیکورٹی ، ترقی اور تعلیم کے فروغ کے لیے کیے گئے اقدامات کے بارے میں بھی آگاہ کیا گیا۔ قبائلی عمائدین نے بارڈر کراسنگ کے لیے ون ڈاکومنٹ ریجیم کو تسلیم کرتے ہوئے درخواست کی کہ عوام کو پاسپورٹ بنانے میں سہولت دی جائے۔ اس موقع پر جنوبی وزیرستان کے قبائلی عمائدین نے فوج اور ایف سی کی کاوشوں اور قربانیوں کو سراہا۔
