سیکیورتی ذرائع کے مطابق دہشت گرد نور ولی محسود اور احمد حسین عرف غٹ حاجی کی حال ہی میں منظر عام پر آنے والی فون کال پر قانونی کارروائی کا آغاز کر دیا گیا ہے۔فون کال میں نور ولی محسود احمد حسین کو سرکاری املاک اور سکولوں پر حملوں کی ہدایات دے رہا ہے۔
ذرائع کا کہنا ہے کہ نور ولی محسود کی جانب سے ہدایات پر عمل درآمد کرتے ہوئے شمالی وزیرستان کے علاقے میر علی میں گرلز سکول کو آئی ای ڈی لگا کر اڑا دیا گیا۔اسی تناظر میں درس و تدریس کے شعبے سے منسلک ٹانک کے علاقے سے تعلق رکھنے والے ضعیف ٹیچر میرا جان کو بھی ٹارگٹ کلنگ کر کے قتل کر دیا گیا۔سیکیورٹی ذرائع کا کہنا ہے کہ حکومت پاکستان کی جانب سے مذکورہ بالا کال پر قانونی کاروائی کا آغاز کیا گی،قانون نافذ کرنے والے اداروں نے کال کا فورینزک ٹیسٹ کروایا ہے،فورینزک ٹیسٹ مثبت آگیا اور ثابت ہو گیا کہ فون کال میں موجود آواز نور ولی محسود اور احمد حسین عرف غٹ حاجی کی ہے۔
