گوادر میں بم ڈسپوزل اسکواڈ پر حملہ ،2اہلکار جاں بحق جبکہ 4زخمی ہوگئے۔ اتوار کی صبح 9 بجے کے قریب گوادر میں 32 پنجاپ رجمنٹ آرمی کی بم ڈسپوزل کی ٹیم پر آنکاڈہ ڈیم کے نزدیک مسلح افراد نے حملہ کیا، جس کے نتیجے میں 2 سکیورٹی اہلکار جاں بحق اور 4زخمی ہو گئے۔
جاں بحق ہونے والوں میں سپاہی ظہور اور سپاہی الطاف موقع پر شامل ہیں جبکہ حملے میں سپاہی ساجد حسین شدید زخمی، تجمل حسین، ابرار احمد اور گل حیدر زخمی ہوئے۔ جاں بحق اور زخمی سپاہیوں کو طبی امداد، علاج اور ضروری کارروائی کے لیے جی ڈی اے اسپتال منتقل کیا گیا۔ سکیورٹی فورسز کی بھاری نفری نے علاقے کا محاصرہ کرلیا۔
