معتبر ذرائع نے اخبار خیبر کو بتایا ہے کہ سابق کپتان وسیم اکرم کو چیف ایگزیکٹو یا چیئرمین کا مشیر بننے کی پیشکش ہوئی تھی۔
لیکن وسیم اکرم نے مصروفیات کے سبب یہ اہم عہدہ سنبھالنے کیلئے دستیاب نہیں ہیں۔
ذرائع کے مطابق وسیم اکرم کی معذرت کے بعد ہی وقار یونس کا تقرر کیا گیا۔
ذرائع نے بتایا کہ اس مسئلے کو حل کرنے کیلئے انھوں نے کھیل کے معاملات کسی سابق کرکٹر کو سونپنے کا فیصلہ کیا۔
ذرائع نے یہ بھی بتایا کہ چند روز قبل محسن نقوی نے وسیم اکرم سے رابطہ کر کے کہا کہ وہ پی سی بی کے چیف ایگزیکٹیو آفیسر یا ان کے مشیر کی پوسٹ سنبھال لیں۔
ذرائع کا کہنا ہے کہ سابق کپتان نے چیئرمین سے معذرت کرتے ہوئے کہا کہ وہ اب مستقل طور پر کراچی میں مقیم ہیں۔
وسیم اکرم کا کہنا تھا کہ جب بھی پاکستان کرکٹ کو میری ضرورت ہوئی تو بلامعاوضہ دستیاب ہوں گا۔
بورڈ حکام نے اس کے بعد وقار یونس سے رابطہ کیا جو ذمہ داری سنبھالنے پر آمادہ ہوگئے، وہ بھی فیملی کے ہمراہ آسٹریلیا میں رہتے ہیں۔
یاد رہے کہ نئے آئین میں سی ای او کی پوسٹ موجود نہیں، البتہ اس میں تبدیلی بھی کی جا سکتی ہے۔
