وفاقی وزیر مواصلات عبدالعلیم خان سے تاجکستان کے سفیر کی ملاقات، نئے تجارتی راستوں کے حوالے سے گفتگو

اسلام آباد: وفاقی وزیر مواصلات عبدالعلیم خان سے تاجکستان کے سفیر شریف زادہ یوسف توئیر نے اسلام آباد میں ملاقات کی ۔ ملاقات میں دونوں ملکوں کے مابین نئے تجارتی راستوں پر بات چیت ہوئی ۔
تاجکستان کے سفیر نے پاکستان سے گلگت کے راستے تاجکستان تک زمینی راہداری کی تجویز دی۔وفاقی وزیر عبدالعلیم خان نے کہا کہ ذرائع مواصلات میں بہتری لا کر بین الملکی تجارت میں اضافہ ہو سکتا ہے۔ تاجک سفیر نے کہاکہ تاجکستان کے ڈیڑھ کروڑ عوام 25 کروڑ پاکستانیوں سے تعاون کے خواہاں ہیں۔