ملک میں سونے کی قیمت بلند ترین سطح پر پہنچ گئی،سونے کی قیمت میں مسلسل تیسرے روز بھی اضافہ ریکارڈ کیا گیا ہے۔
آل پاکستان جیمز اینڈ جیولر ایسوسی ایشن کے مطابق ملک بھر میں سونے کی قیمت میں مسلسل تیسرے روز بھی اضافہ ریکارڈ کیا گیا،سونے کی قیمت میں 1700 روپے کا اضافہ ہوا ہے جس کے بعد سونے کی قیمت فی تولہ 2 لاکھ 63 ہزار700 روپے ہوگئی ہے۔ اسی طرح 10 گرام سونے کی قیمت 1457 روپے اضافے کے بعد 2 لاکھ 26 ہزار روپے سے زائد ہوگیا ہے۔
دوسری جانب بین الاقوامی مارکیٹ میں سونے کی قیمت 20 ڈالر اضافے کے بعد 2512 ڈالر فی اونس ہوگیا ہے۔
