پاکستان میں عید کب ہوگی۔ چاند دیکھنے کیلئے کل اجلاس طلب کرلیا گیاہے
پاکستان میں عیدالفطر کا چاند دیکھنے کیلیے مرکزی رویتِ ہلال کمیٹی کا اجلاس کل 9 اپریل29رمضان المبارک کی شام ہو گا۔اجلاس کی صدرات چیئرمین رویتِ ہلال کمیٹی مولانا عبدالخبیر آزاد کریں گے۔ اجلاس اسلام آباد میں ہو گا جس میں رویتِ ہلال کمیٹی کے ممبران، محکمہ موسمیات، سپارکو، سائنس و ٹیکنالوجی حکام شریک ہوں گے۔اجلاس وزارتِ مذہبی امور کوہسار کمپلیکس کی عمارت میں ہو گا۔
جبکہ زونل رویتِ ہلال کمیٹیوں کے اجلاس مقررہ مقامات پر ہوں گے۔اجلاس میں شوال کا چاند دیکھنے کی شہادتیں وصول کی جائیں گی۔ چیئرمین مرکزی رویتِ ہلال کمیٹی شوال کا چاند نظر آنے یا نہ آنے کا اعلان کریں گے۔محکمہ موسمیات کی پیش گوئی کے مطابق پاکستان میں کل عید الفطر کا چاند نظر آنے کا قوی امکان ہے۔محکمہ موسمیات کے ذرائع کا کہنا ہے کہ9اپریل کو ملک کے اکثر حصوں میں مطلع صاف ہو گا اور انسانی آنکھ سے نظر آنے کیلئے چاند کی عمر بھی پوری ہے۔
