وفاقی وزیرداخلہ محسن نقوی نے کے پی کے مختلف علاقوں میں دہشتگردوں کے خلاف کامیاب آپریشن کرنے پر سکیورٹی فورسز کو خراج تحسین پیش کیا۔
وفاقی وزیرداخلہ محسن نقوی کے مطابق سکیورٹی فورسز نے 9 دہشتگردوں کو مار کر قوم کی حفاظت کی۔ سکیورٹی فورسز نے لکی مروت اور تیراہ میں دہشتگردوں کو ان کے عبرتناک انجام تک پہنچایا۔اس کارنامے پر قوم کو سیکورٹی فورسز پر فخر ہے۔
ان کے مطابق محفوظ اور پرامن پاکستان کی جدوجہد میں سکیورٹی فورسز کی محنت اور قربانیاںشامل ہیں۔ پاکستان میں دہشتگردوں کو چھپنے کی جگہ نہیں ملے گی، پاکستان سے آخری دہشتگرد کے خاتمے تک یہ جنگ جاری رہے گی۔مزید وفاقی وزیر داخلہ محسن نقوی نے کہا کہ پوری قوم دہشت گردی کے خلاف جنگ میں سکیورٹی فورسز کے ساتھ ہمیشہ کھڑی ہے۔
