کیوں بھارتی فائٹر کو تھپڑ مارا اور اس پر سلمان خان نے کیا کہا،شاہ زیب رند نے بتادیا
پاکستانی کراٹے فائٹر شاہ زیب رند نے بتایا کہ پریس کانفرنس فائٹ سے پہلے ہوتی ہے، پاکستان کے خلاف بھارتی فائٹر سوشل میڈیا پر بھی نامناسب باتیں کر رہا تھا۔دبئی میں ہونے والے کراٹے کامبیٹ کے 45 کلو گرام کیٹیگری والے مقابلوں میں بھارت کے رانا سنگھ کو پاکستان کے شاہ زیب رند نے 20 سیکنڈ میں ہی روند ڈالا تھا۔اس پر شاہ زیب رند نے کہا کہ پریس کانفرنس میں بھی بھارتی فائٹر نے نامناسب الفاظ استعمال کیے تھے، بھارتی فائٹر نے گالی دی تھی اور ساتھ ہی مجھے دھکا دیا تو میں نے تھپڑ مارا،بھارتی فائٹر کو میں نے تھپڑ مارا تاکہ اس کے ہوش ٹھکانے آجائیں۔
اس فائٹ کے لیے انہوں نے کہا کہ بہت محنت کی تھی، امریکا میں ٹریننگ کی، بھارتی فائٹر سے فائٹ میں پریشر بالکل نہیں لیا،بھارتی اداکار فائٹ جیتنے کے بعد سلمان خان سے ملاقات ہوئی۔جس پرشاہ زیب رند نے بتایا کہ سلمان خان نے میرے پہلے بھی دو تین مقابلے دیکھے تھے، جس سےسلمان خان بہت خوش تھے، انہوں نے مجھ سے کہا ہر کسی کو 20 سکینڈ میں ناک آؤٹ کردیتے ہو۔شاہ زیب رند نے کہا کہ فائٹ جیتنے کے بعد پاکستان اور بھارت کا پرچم اٹھایا جو کہ ایک پیغام تھا، بھارتی فائٹر کے رویے پر میرا یہ پیغام تھا ہم کہ پتھر کا جواب پھول سے دیں گے۔
پاکستانی کراٹے فائٹر نے کہا کہ میرے مخالف کا ریکارڈ مجھ سے ڈبل تھا میں نے لیکن پریشر نہیں لیا، بچپن سے ہی مارشل آرٹ میں ہوں، میں نے 8 سال کی عمر سےکھیلنا شروع کیا، پہلا میں پاکستانی ہوں جس نےامریکی لیگ میں کھیلا۔مزید شاہ زیب رند کا کہنا تھا کہ میری کوشش ہوتی ہے کہ پاکستان اور بلوچستان کا کلچر دنیا میں پہنچاؤں، کوشش ہے کہ دنیا بھر میں پاکستان کا مثبت میج اجاگر کروں۔
