مشہور ٹک ٹاکر ندیم مبارک عرف ندیم نانی والا کو پولیس نے گاڑی کی جعلی نمبر پلیٹ لگانے پر ڈیفنس کے مین بلیوارڈ کے قریب ناکے پر گرفتار کرلیا۔
ذرائع کے مطابق ،ایس ایچ او ڈیفنس لاہور کا کہنا ہے کہ ٹک ٹاکر ندیم مبارک عرف ندیم نانی والا نے اپنی گاڑی پر جعلی نمبر پلیٹ لگا رکھی تھی۔ جب ندیم نانی والا کی گاڑی ڈیفنس کے مین بلیوارڈ کے قریب ناکے پر چیکنگ کے لیے روکی گئی تو ان کی گاڑی کی نمبرپلیٹ جعلی نکلی۔ پولیس نے ندیم نانی والا کو موقع پر ہی گرفتار کرلیا ـ
ذرائع کے مطابق ، ڈیفنس پولیس نے ندیم نانی والا کی گاڑی جس کا نمبر 804 تھا ،اس کو قبضے میں لے کر پولیس کی مدعیت میں ملزم ندیم نانی والا کے خلاف مقدمہ درج کرلیا ـ
