لوئر دیر : عوامی نیشنل پارٹی کے سابق رہنما زاہد خان نے مسلم لیگ ن میں شمولیت اختیار کرنے کا اعلان کردیا ۔
شمولیتی تقریب لوئر دیر میں ہوئی جس میں ن لیگ کے صوبائی صدر اور وفاقی وزیر امیر مقام نے زاہد خان کو خوش آمدید کہا۔
اس موقع پر زاہد خان نے کہا کہ نواز شریف اور شہباز شریف کی دعوت پر مسلم لیگ میں شامل ہوا۔
امیر مقام نے کہا کہ پی ٹی آئی نے معیشت کو نقصان پہنچانےکے لیے آئی ایم ایف کو خطوط لکھے، کے پی حکومت پی آئی اے خریدنے کی بات کرتی ہے، اساتذہ کے حقوق سے انکاری ہے۔
وزیر سیفران امیر مقام کا یہ بھی کہنا تھا کہ پی ٹی آئی دوغلی اور منافقت کی سیاست کر رہی ہے۔
واضح رہے کہ زاہد خان پہلے ہی اے این پی کو خیر باد کہہ چکے تھے ، ذرائع کے مطابق زاہد خان اختلافات کے باعث عوامی نیشنل پارٹی سے علیحدہ ہو گئے تھے ۔
گزشتہ روز خیبر نیوز سے خصوصی گفتگو کرتے ہوئے انجینئر امیر مقام نے کہا تھا کہ اے این پی کے سابق رہنما اتوار کو مسلم لیگ ن میں شمولیت اختیار کریں گے ۔
