Latest Urdu news from Pakistan - Peshawar, Lahore, Islamabad

فارن فنڈنگ کیس: ایف آئی اے نے عمران خان سمیت 11 افراد کیخلاف مقدمہ درج کرلیا

اسلام آباد(مانیٹرنگ ڈیسک) وفاقی تحقیقاتی ادارے (ایف آئی اے) نے فارن فنڈنگ کیس میں پاکستان تحریک انصاف (پی ٹی آئی) کے چیئر مین اورسابق وزیراعظم عمران خان سمیت 11 افراد کے خلاف مقدمہ درج کر لیا۔ مقدمہ کارپوریٹ بینکنگ سرکل نے درج کیا۔

ایف آئی آر کے مطابق ملزمان نے فارن ایکسچینج ایکٹ کی خلاف ورزی کی، سردار اظہر طارق، سیف اللہ نیازی، سید یونس، عامر کیانی، طارق شیخ، طارق شفیع بھی نامزد کیے گئے ہیں، ملزمان نجی بینک اکاونٹ کے بینفشری ہیں۔ تحریک انصاف کا نجی بینک میں اکاونٹ تھا، نجی بینک کا منیجر بھی مقدمہ میں شامل کیا گیا ہے۔

متن کے مطابق نیا پاکستان کے نام پر بینک اکاونٹ بنایا گیا، بینک مینجر نےغیر قانونی بینک اکاونٹ آپریٹ کرنے کی اجازت دی، بینک اکاونٹ میں ابراج گروپ آف کمپنی سے 21 لاکھ ڈالر آئے، تحریک انصاف نےعارف نقوی کا الیکشن کمیشن میں بیان حلفی جمع کرایا، ابراج گروپ کمپنی نے تحریک انصاف کے اکاونٹ میں پیسے بھیجے، بیان حلفی جھوٹا اورجعلی ہے، ووٹن کرکٹ کلب سے دو مزید اکاونٹ سے رقم وصول ہوئی، نجی بینک کے سربراہ نے مشتبہ غیر قانونی تفصیلات میں مدد کی۔

جواب چھوڑیں

آپ کا ای میل ایڈریس شائع نہیں کیا جائے گا.