آئی ایم ایف  کے موجودہ پروگرام پر دوبارہ مذاکرات نہیں ہوں گے، اسحاق ڈار

 اسلام آباد(ویب ڈیسک) وفاقی وزیر خزانہ اسحاق ڈار نے کہا ہے کہ  آئی ایم ایف  کے موجودہ پروگرام پر دوبارہ مذاکرات نہیں ہوں گے۔

وفاقی وزیر خزانہ اسحاق ڈار نے غیر ملکی خبر رساں ادارے کو انٹرویو دیا۔ اسحاق ڈار نے کہا کہ پاکستان 27 ارب ڈالر کے دوطرفہ قرضوں کو ری شیڈول کرانے کا خواہاں ہے۔ انہوں نے کہا کہ پیرس کلب کےقرضوں کے علاوہ قرض کو ری شیڈول کرانےکی کوشش کریں گے۔

وزیر خزانہ کا کہنا تھا کہ پاکستان کےڈیفالٹ ہونے کا کوئی امکان نہیں ہے۔ پاکستان کےموجودہ آئی ایم ایف پروگرام پر دوبارہ مذاکرات نہیں ہوں گے۔ سیلاب کے بعد بین الاقوامی مالیاتی ادارےکافی لچک کامظاہرہ کررہےہیں۔ پاکستان میں سیلاب سے32 ارب ڈالرکانقصان ہوا۔