خیبرپختونخوا میں مزید بارش کا امکان

خیبرپختونخوا کے زیادہ ترعلاقوں میں بارش اور برفباری سے سردی کی شدت میں اضافہ ہواہے۔ محکمہ موسمیات کے مطابق بارش اور برفباری کا یہ سلسلہ منگل کے روز سے شروع ہوا  اور سب سے زیادہ بارش مالم جبہ میں 22، میرکنی چترال میں 21، اپر دیر میں 19، سیدو شریف میں 13، پاڑہ چنار میں 8، بالاکوٹ میں 7 اور کالام میں 7 ملی میٹربارش ریکارڈ کی گئی ہے۔ محکمہ موسمیات کے مطابق مالم جبہ میں 6 فٹ تک جبکہ کالام میں 5- فٹ برف پڑچکی ہے۔ محکمہ موسمیات نے آئندہ 24 گھنٹے کے دوران خیبرپختونخوا میں مزید بارش اور پہاڑوں پربرفباری کا امکان ظاہر کیا ہے۔