Latest Urdu news from Pakistan - Peshawar, Lahore, Islamabad

آج پاکستان کا پہلا سیٹلائٹ مشن چاند پر جانے کیلئے تیار

آج پاکستان کا پہلا سیٹلائٹ مشن چاند پر جانے کیلئے تیار ہے۔

پاکستان میں نئی تاریخ رقم ہونے جا رہی ہے، چاند پر جانے والے ممالک کی فہرست میں پاکستان بھی شامل ہونے جارہا ہے۔آج پہلا پاکستانی سٹیلائٹ آئی کیوب کیو چاند کی طرف روانہ کیا جائے گا، دو آپٹیکل کیمروں سے لیس آئی کیوب کیو کی مدد سے چاند کی سطح کی تصاویر اور تمام معلومات حاصل کی جائیں گی، سیٹلائٹ مشن ’آئی کیوب کیو‘ چین کے ہینان سپیس لانچ سائٹ سے دن 12 بج کر 50 منٹ پر روانہ ہونا تھا، جبکہ موسم کے خرابی ہونے کی وجہ سے وقت تبدیل کر دیا گیا، اب لانچ 2 بج کر 18 منٹ پر روانہ ہوگا۔

سیٹلائٹ آئی کیوب کیو کی لانچ کو ویب سائٹ کے ذریعہ سے براہ راست ٹیلی کاسٹ بھی کیا جائے گا، آئی کیوب قمر کا ڈیزائن اور ڈیویلپمنٹ چین اور سپارکو کے اشتراک سے تیار کیا گیا ہے، دو کیمروں کو چاند کی تصاویر بنانے کیلئے آئی کیوب قمر میں نصب کیا گیا ہے، سیٹلائٹ سے چاند کی سطح کی تصاویر چین کے ڈیپ سپیس نیٹ ورک کے ذریعے حاصل کی جائیں گی۔

2022ء میں چینی نیشنل سپیس ایجنسی نے ایشیا پیسیفک سپیس کارپوریشن آرگنائزیشن کے ذریعے رکن ممالک کو چاند کے مدار تک مفت پہنچنے کا منفرد موقع فراہم کیا تھا، ایپسکو کی پیشکش پر رکن ممالک نے اپنے منصوبے بھیجے تھے، ایپسکو کے رکن ممالک میں پاکستان، چین، ایران، بنگلا دیش،پیرو، جنوبی کوریا، تھائی لینڈ اور ترکیہ شامل ہیں۔پاکستان کی طرف سے انسٹی ٹیوٹ آف سپیس ٹیکنالوجی نے بھی مجوزہ منصوبہ جمع کرایا تھا، 8 ممالک میں سے صرف پاکستان کے منصوبے کو قبول کیا گیا ہے، دو سال کی محنت کے بعد اب سیٹلائٹ ’آئی کیوب قمر‘ کو مکمل کیا جا سکا ہے۔

جواب چھوڑیں

آپ کا ای میل ایڈریس شائع نہیں کیا جائے گا.