اسلام آباد: نائب وزیراعظم و وزیر خارجہ سینیٹر محمد اسحاق ڈار نے سنگاپور کے وزیر خارجہ ویوین بالاکرشنن سے ٹیلیفونک رابطہ کیا۔
ترجمان دفتر خارجہ کے مطابق سنگاپور کے وزیر خارجہ نے خطے میں امن و استحکام کے فروغ کے لیے پاکستان کے کردار کو سراہا۔
سنگاپور کے وزیر خارجہ نے امریکا و ایران کے درمیان مذاکرات میں سہولت کاری کی کوششوں کی بھی تعریف کی۔
نائب وزیراعظم اسحاق ڈار نے خطے اور دنیا میں امن و ترقی کے لیے پاکستان کی مسلسل کوششوں کا اعادہ کیا۔
دونوں رہنماؤں کے درمیان بحری امور اور بین الاقوامی سمندری حدود میں پیش آنے والے حالیہ واقعات پر بھی تبادلہ خیال ہوا۔
اس موقع پر دونوں ممالک کے متعلقہ اداروں کے درمیان قریبی رابطے اور تعاون جاری رکھنے پر اتفاق کیا گیا۔
