شیخ رشید کا اوورسیز پاکستانیوں کو ووٹ کا حق نہ دینے پر سپریم کورٹ جانے کا اعلان
راولپنڈی(مانیٹرنگ ڈیسک) سابق وزیرداخلہ شیخ رشید نے کہا ہے کہ اگر اوورسیز پاکستانیوں سے ووٹ کا حق چھینا گیا تو وہ سپریم کورٹ جائینگے۔
شیخ رشید نے ٹوئٹر پر پیغام دیا کہ اگر ایک کروڑ اوورسیز پاکستانیوں ووٹ کے حق سے روکا گیا تو سپریم کورٹ جاؤں گا۔ اوورسیزپاکستانیوں کے پیسوں سے ملک چل رہا ہے۔ اوورسیز پاکستانیوں کو ووٹ کا حق دلوا کر رہوں گا۔
اگر ایک کروڑ اوورسیز پاکستانیوں کو جن کے پیسوں سے ملک چل رہا ہے ان کو ووٹ دینے کے حق سے روکا گیا تو میں سپریم کورٹ جاؤں گا اور ان کو یہ حق دلوا کر رہوں گا اور ساری دنیا میں اورسیز پاکستانی بھی موجودہ حکومت کے اس فیصلے کے خلاف احتجاج کریں گے
— Sheikh Rashid Ahmed (@ShkhRasheed) May 11, 2022
” rel=”noopener” target=”_blank”>
انہوں نے لکھا کہ ساری دنیا میں اوورسیز پاکستانی بھی موجودہ حکومت کے اس فیصلے کے خلاف احتجاج کریں گے۔
شیخ رشید نے ایک اور ٹوئٹ میں لکھا کہ ہندوستان کے ساتھ تجارت کرنا موجودہ حکومت کا ایجنڈہ ہے ۔ اور یہ حکومتی ایجنڈا ہندوستان کے 5اگست کے آرٹیکل 35۔Aاور 370کے ناپاک فیصلے کی حمایت کے مترادف ہے۔ جسے پاکستانی اور کشمیری قوم کسی بھی قیمت پر قبول نہیں کرے گی۔
ہندوستان کے ساتھ تجارت کرنے کا موجودہ حکومت کا ایجنڈہ ہندوستان کے 5 اگست کے ارٹیکل 35۔Aاور 370 کے ناپاک فیصلے کی حمایت کے مترادف ہے جسے پاکستانی اور کشمیری قوم کسی بھی قیمت پر قبول نہیں کرے گی۔
— Sheikh Rashid Ahmed (@ShkhRasheed) May 11, 2022
” rel=”noopener” target=”_blank”>
دوسری جانب منحرف تحریک انصاف رکن نورعالم خان نے دوہری شہریت رکھنے والوں کو ووٹ کا حق دینے کی مخالفت کی تھی۔ وفاقی وزیر قانون اعظم نذیر تارڑ نے کہا کہ یہ بل انتخابی اصلاحات کمیٹی کو بھیج دیا جائے۔ جس کے بعد بل کو انتخابی اصلاحات کمیٹی کو بھیج دیا گیا۔