نواز شریف کو دل کے آپریشن کیلیے اسپتال میں داخل کرنے کا فیصلہ

لندن:سابق وزیر اعظم نواز شریف کے پلیٹیلیٹس کا بدستور غیر مستحکم ہے جب کہ انہیں دل کے آپریشن کے لیے اسپتال میں داخل کیا جائے گا۔

رائل برامپٹن اسپتال کے ذرائع نے بتایا کہ ماہرین امراض قلب نے نواز شریف کو تشخیص کے لیے اسپتال میں داخل ہونے کے لیے کہا ہے . ذرائع کا کہنا ہےکہ  ڈاکٹرز فیصلہ کریں گے کہ آیا نوازشریف کے دل کا آپریشن، بائی پاس کیا جائے یا اسٹنٹ ڈالا جائے۔ واضح رہےکہ نواز شریف گزشتہ دو ماہ سے بغرض علاج لندن میں مقیم ہیں جبکہ 2 ہفتے قبل ان کے معالج ڈاکٹر عدنان خان نے بتایا تھا کہ ڈاکٹرز ان کی میڈیکل ہسٹری کا جائزہ لے رہے ہیں۔