وزیر اعلیٰ پنجاب مریم نواز نے کہا ہے کہ دوسروں کیلئے بھڑکتی آگ میں کود جانے والے ہی اصل ہیرو ہیں۔
انٹر نیشنل فائر فائٹرز ڈے پر وزیر اعلیٰ پنجاب مریم نواز نے خصوصی پیغام جاری کرتے ہوئے کہا ہے کہ فائر فائٹرز ڈے آتشزدگی میں پھنسے لوگوں کی جان کو بچانے والے فائر فائٹرز کی قربانیوں کو تسلیم کرنے کا دن ہے۔انہوں نے پیغام میں کہا ہے کہ ہر بہادر فائر فائٹر کو سلام پیش کرتی ہوں۔ فائر فائٹرز ڈے پر جان کا نذرانہ پیش کرنے والے ریسکیورز کو ہم کیسے بھول سکتے ہیں، اپنی زندگی کی پرواہ کیے بغیر دوسروں کے لئے بھڑکتی آگ میں کود جانے والے ہی اصل ہیرو ہیں۔
مریم نواز کے مطابق فائر فائٹرز فرض کی ادائیگی کے لئے ہرمشکل چیلنج کا بھرپور مقابلہ کرتے ہیں، آتشزدگی کے واقعات کی روک تھام کے لئے حفاظتی تدابیر کا نفاذ ضروری ہے۔مزید وزیراعلیٰ پنجاب نے کہا ہے کہ بلند و بالا عمارتو ں کو آتشزدگی سے بچانے کے لیے بلڈنگ سیفٹی لاز پر عملدرآمد کو یقینی بنائیں گے، پنجاب کمیونٹی سیفٹی بلڈنگز ریگولیشنز پر عملدرآمد کے لئے ضروری اقدامات کیے جا رہے ہیں۔
