پاکستان کا ایک ہزار افغان طلبہ کو سکالرشپ دینے کا فیصلہ

پاکستان نے علامہ اقبال سکالرشپ پروگرام کے تحت ایک ہزار افغان طلبہ کو سکالرشپ پروگرام دینے کا فیصلہ کیا ہے۔

اس سکالرشپ پروگرام کے لئے منعقد کی گئی تقریب میں کابل میں پاکستانی مندوب زاہد نصراللہ خان نے بھی شرکت  کی۔

پروگرام کے تحت یہ گرانٹ پاکستان کے ہائر ایجوکیشن کمیشن کی جانب سے دی جا رہی ہے جس کا مقصد افغانستان میں تعلیم کو فروغ دینا اور غریب گھرانوں سے تعلق رکھنے والے بچوں کو تعلیم حاصل کرنے میں مدد فراہم کرنا ہے۔

منتخب طلباء پاکستان کی مختلف یونیورسٹیوں میں میڈیکل، انجینئرنگ، زراعت، منیجمنٹ اور کمپیوٹر سائنس جیسے مختلف شعبوں میں اپنی اعلیٰ تعلیم حاصل کرسکیں گے۔