سب کو شاہد آفریدی کے بیان نے حیران کر دیا

سب کو شاہد آفریدی کے بیان نے حیران کر دیا ہے۔

آفریدیوں کو سمجھانا نہایت ہی مشکل ترین کام ہے اور یہ حیرت انگریز بات کسی اور نے نہیں بلکہ خود سابق قومی کپتان اور اسٹار آل راؤنڈر شاہد آفریدی نے کہی ہے۔امریکی شہر ہیوسٹن میں پاکستانی کمیونٹی کی طرف سے 2009 کے ٹی ٹوئنٹی ورلڈ کپ فاتح ٹیم کے اعزاز میں تقریب منعقد کی گئی جس میں خطاب کرتے ہوئے پاکستان کے سابق قومی کپتان نے سب کو حیران کر دیا۔

شاہد آفریدی نے کہا کہ آفریدیوں کو سمجھانا نہایت ہی مشکل ترین کام ہے اور اسی وجہ سے وہ شاہین کو نہیں سمجھا پاتے کہ وہ بھی آفریدی ہے۔دنیا بھر میں بوم بوم آفریدی کے نام سےمشہور سابق ممتاز آل راؤنڈر نے مزید کہا کہ میں سمجھتا ہوں محمد عامر کے آنے کی وجہ سے شاہین شاہ آفریدی کو بہت سپورٹ مل جائے گی کیونکہ شاہین شاہ آفریدی کے مقابلے میں عامر تجربہ کار ہے اور اسے ہر قسم کی صورتحال میں بال کرنا آتا ہے۔انہوں نے کہا کہ شاہین شاہ آفریدی یہ سمجھتا ہے کہ ہر قسم کی پچ پر آؤٹ کرنا ہے جو کہ ممکن ہی نہیں ہوتا۔ شاہین عامر کے ساتھ کام کر کے بہت کچھ سیکھ لے گا۔

امریکا میں شاہد آفریدی کا رواں سال ٹی ٹوئنٹی ورلڈ کپ منعقد ہونے کے ایک سوال پر کہنا تھا کہ امریکا میں ایشین کمیونٹی بہت زیادہ ہے جدھر کمیونٹی ہو گی وہاں خود بخود کرکٹ آجائے گی۔اپنے دور میں سب بولرز کے ہوش ٹھاکنے لگانے والے شاہد آفریدی نے کہا کہ وہ اس عمر میں بھی چھکے مارنے کیلیے حاضر ہیں۔ ہماری نمبر ون قسم کی بولنگ ہے اور زبردست اسٹرینتھ ہے لیکن مجھے یہ سمجھ نہیں آتی ہے کہ ہم ڈیڈ پچز کیوں بناتے ہیں۔اس تقریب میں ٹی ٹوئنٹی ورلڈ کپ 2009 کی فاتح ٹیم کے کپتان یونس خان سمیت ٹیم میں شامل کھلاڑیوں عبدالرزاق، مصباح الحق، فواد عالم، کامران اکمل اور عمر گل نے شرکت اور ٹی ٹوئنٹی ورلڈ کپ جیتنے کے تاریخی لمحات کو یاد کرتے ہوئے خوبصورت باتیں شرکا کے ساتھ شیئر کیں۔