واجد ہوتی(خیبر نیوز)

(خیبر پختونخوا پولیس ضلع مردان، آئی پی آر)

مردان پولیس نے پار ہوتی بازار کے تاجرمحمد عبید کے اندھے قتل کیس کا سراغ لگا کر واردات میں ملوث ملزم کو گرفتار کر لیا۔
گرفتار ملزم کا اعتراف جرم، وجہ عناد مقتول کا ملزم کیساتھ رقم کے لین دین کا تنازعہ تھا۔
ڈی پی او ڈاکٹر زاہد اللہ کا قتل کیس کے حوالے سے پریس کانفرنس۔

تفصیلات کے مطابق مورخہ 08دسمبر کو تھانہ پارہوتی میں تاجرمحمد عبید کی گمشدگی کی رپورٹ اسکے بھائی محمد عمیر ولد محمد افسر سکنہ محلہ صوبیدار پار ہوتی کی مدعیت میں درج کی گئی۔جس پرضلعی پولیس نے گمشدہ تاجر کی تلاش و پتہ براری شروع کی۔ اگلے دن مذکورہ تاجر کی قتل شدہ لاش واقع فرش پل توت کلے ارضیات سے برآمد ہوئی۔ ضلعی پولیس سرابراہ نے اس اندھے قتل کو ٹریس آؤٹ کرنے کیلئے ایس پی انوسٹی گیشن محمد آیاز کی سربراہی میں ڈی ایس پی رورل سرکل عدنان اعظم، ایس ایچ او تھانہ پار ہوتی عجب خان، ایس ایچ او تھانہ چورہ نظیف خان اور تفتیشی افسران پر مشتمل سپیشل انوسٹی گیشن ٹیم تشکیل دی جنہوں نے جدید سائنسی بنیاد پر تفتیش کا آغاز کرتے ہوئے متعدد مشتبہ افراد کو انٹاروگیٹ کیا۔ اس دوران واردات میں ملوث ملزم عدنان ولد انعام سکنہ بابینی کو ٹریس کیا۔ملزم نے دوران انٹاروگیشن اپنے جرم کا اعتراف کرتے ہوئے پولیس کو بتایا کہ وہ چنگ چی چلاتا ہے اور مقتول کے دوکان سے سریا اور سیمنٹ وغیرہ لوگوں کے لئے خریدتا تھا۔ ملزم کے ذمے 2لاکھ86ہزار 500روپے واجب الادا تھے لیکن ملزم عدنان کے پاس رقم موجود نہیں تھی اور مقتول اُس سے قرض رقم واپس کرنے کا تقاضہ کرتا تھا۔ جس پر ملزم نے اُسکو پیسے دینے کے بہانے سے لے جا کر علاقہ تھانہ چورہ کے حدود میں فائرنگ کرکے قتل کیا۔ڈی پی او نے مزید کہا کہ یہ اندھا قتل کیس مردان پولیس کیلئے ایک چیلنج تھا جس کو پولیس نے پیشہ ورانہ حکمت عملی کے ذریعے ٹریس کر کے واردات میں ملوث ملزم کو گرفتار کر لیا۔