پاکستان اور جنوبی افریقہ کے درمیان تیسرا اور آخری ٹی ٹوئنٹی میچ بارش کے باعث منسوخ ہوگیا اور جنوبی افریقہ نے تین ٹی ٹوئنٹی میچز کی سیریز 0-2 سے اپنے نام کرلی۔
پاکستان اور جنوبی افریقہ کےدرمیان تیسرا ٹی ٹوئنٹی میچ جوہانسبرگ میں کھیلا جانا تھا۔ تین میچوں کی سیریز میں جنوبی افریقہ کو دو صفر کی فیصلہ کن برتری حاصل تھی تاہم مسلسل بارش کی وجہ سے ٹاس ہی نہیں کیا جاسکا۔
مسلسل بارش کی وجہ سے ایمپائرز نے میچ کو منسوخ کر دیا اور میزبان ٹیم نے تین ٹی ٹوئنٹی میچز کی سیریز 0-2 سے اپنے نام کرلی ۔
یاد رہے کہ جنوبی افریقہ نے 3 ٹی ٹوئنٹی میچز کی سیریز کے پہلے میچ میں پاکستانی ٹیم کو 11 رنز سے اور دوسرے میچ میں 7 وکٹوں سے شکست دی تھی ۔
دونوں ٹیموں کے درمیان پہلا ون ڈے میچ 17 دسمبر کو کھیلا جائے گا ،دوسرا میچ 19 اور تیسرا اور آخری ایک روزہ میچ 22 دسمبر کو کھیلا جائے گا ۔
