محکمہ صحت خیبرپختونخوا نے تصدیق کی ہے کہ پشاور ائیرپورٹ پر دوران اسکریننگ منکی پاکس کے مزید 5 مشتبہ کیس رپورٹ ہوئے ہیں۔
محکمہ صحت خیبر پختونخوا کے مطابق پانچوں افراد کو پولیس سروسز ہسپتال میں قرنطینہ کردیا گیا۔
محکمہ صحت کے مطابق تمام مشتبہ افراد کے نمونے ٹیسٹ کے لیے بھجوائے ہیں، پشاور ائیرپورٹ پر ابھی تک 23 ہزار 6 سو سے زائد مسافروں کی سکریننگ ہوچکی ہے، طورخم بارڈر پر 22 ہزار 67 افراد کی اسکریننگ کی گئی ہے، درہ زندہ کے سرحدی علاقے پر 123 افراد کی اسکریننگ کی گئی ہے۔
ترجمان وزارت صحت کے مطابق گزشتہ روز پشاور کے باچہ خان ائیرپورٹ پر سکریننگ کے دوران دونوں مسافروں میں منکی پاکس کی علامات پائی گئیں جس کے بعد دونوں افراد کو بارڈر ہیلتھ سروسز عملے نے آئسولیٹ کیا تھا۔
ترجمان نے بتایا کہ دونوں افراد کے نمونے پشاور ریفرنس پبلک لیبارٹری خیبر میڈیکل یونیورسٹی بھیجےگئے تھے ان میں سے ایک کیس پازیٹو آگیا ہے۔
