روس میں صدارتی انتخابات۔کو ن ہوگا نیاروسی صدر ۔کیا پھر سے صدارت کی کرسی پر پیوٹن براجمان ہونگے یانہیں۔کل سے پولنگ کا عمل شروع ہوگا جو تین دن تک جاری رہے گا
4امیدواروں کے درمیان مقابلہ ہوگا تاہم یقینی ہے کہ 71برس کے ولادیمیر پیوٹن ہی ایک بار پھر 6 برس کیلئے صدر منتخب کرلیے جائیں گے۔یہ روس کے آٹھویں صدارتی انتخابات ہیں۔کل سے شروع ہونے والی ووٹنگ 16اور 17مارچ کو بھی جاری رہے گی۔ 4 شخصیات نے خود کو صدارتی امیدوار کے طور پر رجسٹرڈ کرایا ہے جن میں سے دیگر 3روسی ایوان زیریں ( ڈوما کے اراکین ) ہیں جبکہ صدر بننے کے خواہشمند الیکسی نوالنی پراسرار موت کا شکار ہوچکے ہیں اور دو کے کاغذات مسترد کردیے گئے تھے۔ سروے کے مطابق ولادیمیر پیوٹن ہی دوبارہ صدر بنیں گے۔
صدر پیوٹن نے ووٹنگ سے ایک روز پہلے پیغام میں کہا کہ یہ ملک میں انتہائی اہم الیکشن ہیں۔ اس کے نتائج آئندہ برسوں میں روس کی ترقی پر براہ راست نتائج مرتب کریں گے۔ یاد رہے کہ پیوٹن کو سابق سوویت لیڈر بورس یلسن نے 1999میں نائب صدر مقرر کیا تھا۔ جس کے بعد انہوں نے 2000سے 2008تک دوبار صدارت اور پھر سن 2012تک وزارت عظمی سنبھالی۔ سن 2012میں وہ تیسری بار اور 2018میں چوتھی بار صدر بنے تھے۔آئینی طور پر انہیں مزید دو بار صدر بننے کی اجازت ہے۔
