فرانس میں 140 میٹر سے لمبی ڈبل روٹی بنانے کا ورلڈ ریکارڈ قائم کرلیا گیا ہے۔
فرانس کے نان بائیوں نے دنیا کی سب سے لمبی ڈبل روٹی ’’ بیگوئٹ’’ تیار کرنے کا اعزاز حاصل کرلیا ہے۔گینز بک آف ورلڈ ریکارڈ کے مطابق فرانس میں دنیا کی سب سے لمبی ڈبل روٹی تیار کی گئی ہے۔ جی ڈبلیو آر کے مطابق یہ روٹی 461فٹ لمبی ہے۔غیر ملکی میڈیا کے مطابق اس ڈبل روٹی ’’ بیگوئٹ’’ کی لمبائی عام طور پر تیار کی جانے والی بیگویٹ کے مقابلے میں 235 گنا زیادہ ہے۔ اگر اس کی لمبائی کو فٹوں سے میٹروں میں تبدیل کیا جائے تو یہ 140،53 میٹر بنتی ہے۔فرانس کے نان بائیوں نے اس ریکارڈ کا اعزاز حاصل کرنے کے لیے پہلے سے کام شروع کر رکھا تھا تاہم اس کے لیے بڑے سائز کا تنور اور اس تنور کی تیاری پہلا مرحلہ تھا پھر اس کا کامیاب تجربہ بھی ضروری تھا۔
فرانس میں ڈبل روٹی نما اس بیکری آئٹم کو ’بیگویٹ‘ کہا جاتا ہے۔ اس میں آٹا، پانی اور خمیر شامل کر کے اسے خاص تنور میں پکایا جاتا ہے۔گزشتہ رات فرانس کے ان نان بائیوں کی خوشی کی انتہا عروج پر تھی جب کا شاہکار تیار ہو چکا تھا اور انہوں نے اس بیگویٹ کی وجہ سے دنیا بھر میں عزت اورشہرت پائی۔یاد رہے اس سے قبل جون 2019 میں اٹلی میں 132،62 میٹر لمبی بیگویٹ تیار کر کے عالمی ریکارڈ بنایا گیا تھا، اس کے برعکس اب فرانس کے نان بائی ان سے آگے نکل گئے ہیں۔
