وزیراعظم نے ہاکی کے ہر کھلاڑی کو 10 لاکھ روپے دینے کا اعلان کردیا ہے۔
پاکستان ہاکی ٹیم کا سلطان اذلان شاہ کپ میں شاندار کارکردگی پر شاندار استقبال کیا گیا۔اذلان شاہ ہاکی ٹورنامنٹ میں شاندار کارکردگی کا مظاہرہ کرنے کے بعد قومی ہاکی ٹیم سلور میڈل لے کر لاہور پہنچ گئی۔علامہ اقبال انٹرنیشنل ایئرپورٹ پر پرائم منسٹر یوتھ پروگرام کے چیئرمین رانا مشہود، ہاکی اولمپئن خواجہ جنید، ایچ ای سی کے ڈائریکٹر سپورٹس جاوید میمن، سابق کپتان اختر رسول،شہباز سینئر اور اہل خانہ نے قومی کھلاڑیوں کا استقبال کیا۔
رانا مشہود نے وزیراعظم کی جانب سے ہر کھلاڑی کے لیے 10 لاکھ روپے انعام کا اعلان کیا۔ انہوں نے کہا کہ وزیراعظم 15 مئی کو وزیراعظم ہاؤس میں قومی ٹیم سے ملاقات کریں گے۔سنسنی خیز فائنل مقابلے میں جاپان نے سلطان اذلان شاہ کپ کے فائنل میں پاکستان کے خلاف فتح حاصل کی۔
