فرنٹیئر کورخیبرپختونخواہ کی تاریخ کے حوالے سے کتاب کی تقریب رونمائی ہوئی ہے۔
پشاور کے تاریخی قلعہ بالاحصارمیں فرنٹیئر کور خیبرپختونخواہ کی تاریخ کے حوالے سے کتاب کی رونمائی کی تقریب منعقد کی گئی ہے۔اس تقریب میں نامور شعراء اور رائٹرز نے کتاب کے حوالے سے اپنے اپنے جذبات کا اظہار کرتے ہوئے کہا کہ اس کتاب میں فرنٹیئر کور خیبرپختونخواہ کے تاریخی کرداروں اور خیبرپختونخواہ کے قبائلی علاقوں کی تاریخ کو اجاگر کیا گیا ہے۔
اس کتاب کےذریعےنئی نسل کو قبائلی علاقوں کےحوالے سےمحب وطن اور بہادر سپوتوں کی انتھک اور لازوال قربانیوں کےبارے میں جاننے کا موقع ملے گا۔اس کتاب کی رونمائی کا بنیادی مقصد فرنٹیئر کورخیبرپختونخواہ کی تاریخی اہمیت،ملک کے دفاع اورخیبرپختونخواہ کے قبائلی علاقوں کی تاریخ کو عوام تک پہنچانا ہے۔ کور کمانڈرپشاور اس تقریب کےمہمان خصوصی تھے،تقریب میں اعلی سول و فوجی حکام اورزندگی کے مختلف شعبوں سےتعلق رکھنے والےدیگرمہمانوں نے بھی شرکت کی۔
